Hər hansı bir hücuma hərtərəfli cavab veriləcək

İran Xarici İşlər Nazirliyinin sözçüsü İsmayıl Bekayi bildirib ki, ölkəyə qarşı hərbi hücum hazırladığı iddia edilən ABŞ-nin hər hansı bir hücumuna “hərtərəfli” cavab veriləcək.

ABŞ-nin İrana hücum hazırladığı iddiaları ilə bağlı suala cavab olaraq Bekayi deyib: “İran həm öz imkanlarına, həm də iyun (müharibə) müharibəsi də daxil olmaqla keçmiş təcrübələrinə əmindir. Biz daha güclü mövqedəyik. İran hər hansı bir hücuma daha əhatəli və təəssüf doğuran cavab verəcək”. 

Hərbi qüvvələrin yerləşdirilməsinin və hərbi təhdidlərin beynəlxalq hüququn açıq şəkildə pozulması olduğunu bildirən Bekayi əlavə edib: “Regiona hərbi gəmilərin yerləşdirilməsi İranın öz varlığını müdafiə etmək iradəsində və qətiyyətində ən kiçik bir zəiflik yaratmayacaq”. 

Bekayi keçmişdə olduğu kimi, hazırda da iyun ayında baş verən hücumların davamı olan hibrid müharibə ilə üzləşdiklərini bildirib və əlavə edib:

“Son bir neçə ayda ABŞ və sionist rejimdən qaynaqlanan iddialar və ya təhdidlərlə qarşılaşırıq. Region ölkələri regiondakı hər hansı bir təhlükəsizlik probleminin yalnız İrana yönəlmədiyini bilirlər. Buna görə də region ölkələri arasında ortaq bir narahatlıq var”. 

TRT Xəbər

Xədicə Məhərrəmli