İran ABŞ ilə danışıqlarda "qırmızı xətlər"i müəyyənləşdirib

ABŞ İranla danışıqların yalnız nüvə məsələlərini əhatə edəcəyinə razılıq verib.

“İnformator.az” “Teleqraf”a istinadən xəbər verir ki, bu barədə "RİA Novosti" agentliyi İrandan olan mənbəyə istinadən məlumat yayıb.

"ABŞ-nin Məsqət (Maskat) danışıqlarına qoşulması İranın müəyyən etdiyi çərçivəni qəbul etməsi demək idi. Vaşinqton Tehrana danışıqların yalnız nüvə məsələlərini əhatə edəcəyi barədə mesaj çatdırıb. İran tərəfi danışıqlar üçün "qırmızı xətlər" müəyyən edib. Tehran uranın zənginləşdirilməsindən imtina etməyəcək və həmçinin İranla bağlı regional məsələləri və ya İran raketləri ilə bağlı məsələləri müzakirə etməkdən imtina edir" - məlumatda qeyd olunur.

Xatırladaq ki, fevralın 6-da İran və ABŞ arasında Omanın paytaxtında İslam Respublikasının nüvə proqramı ilə bağlı danışıqlar aparılıb. Bu görüş 2025-ci ilin iyun ayında İran-İsrail münaqişəsinin kəskinləşməsindən sonra ilk görüş olub.