İranda ABŞ əsgərləri üçün məzar qazılıb

İranın paytaxtı Tehranda iki ölkə arasında baş verə biləcək potensial müharibədə öləcək ABŞ əsgərləri üçün məzarlar qazılıb.

"İnformator.az" xəbər verir ki, bu barədə “Mehr” agentliyi Behşiti Zəhra Qəbiristanlığı İdarəsinə istinadən məlumat yayıb.

Bildirilib ki, əgər müharibə baş verərsə, Tehranda ABŞ əsgərlərinin müvəqqəti dəfn edilməsi üçün 5000-ə yaxın qəbiristanlıq hazırlanıb.

Bu məzarlıqlar ABŞ-nin İrana mümkün hücumuna qarşı görülən qabaqlayıcı tədbirin bir hissəsi hesab olunur.

Qazılan məzarlıqlarla bağlı İran rəsmilərindən hər hansı açıqlama verilməyib.