İrandaki hadisələrdə ölənlərin sayı 2 min 677-yə çatıb

ABŞ mərkəzli İran İnsan Haqları Aktivistləri Xəbər Agentliyi (HRANA) İranda iqtisadi problemlər səbəbilə başlayan etiraz aksiyalarında həyatını itirənlərin sayının 2 min 677-yə yüksəldiyini açıqlayıb.

HRANA-nın məlumatına görə, ölkənin bir çox nöqtəsində baş verən hadisələrdə 2 min 600-dən çox şəxs yaralanıb, 19 min 97 nəfər isə saxlanılıb.

Aksiyalar zamanı baş verən iğtişaşlarda 2 min 677 nəfər həyatını itirib.

İran rəsmiləri indiyədək etirazlarda ölən və ya yaralananların ümumi sayı ilə bağlı rəsmi açıqlama verməyib.

ABŞ-nin Virciniya ştatı mərkəzli HRANA dünən yaydığı xəbərdə ölənlərin sayının 2 min 615-ə çatdığını bildirib.

TRT XƏBƏR
Lalə Qurbanlı