İrandan atılan və “Türk hava məkanına yönələn” raket zərərsizləşdirilib

Milli Müdafiə Nazirliyi İrandan atılan bir raketin məhv edildiyini açıqlayıb.

Nazirlik bildirib ki, ballistik raket İraq və Suriya hava məkanını keçdikdən sonra Türkiyə hava məkanına istiqamətlənib. Bunun ardından Şərqi Aralıq dənizində yerləşdirilmiş NATO-nun hava və raketdən müdafiə qüvvələri vasitəsilə vurularaq zərərsizləşdirilib. Açıqlamada qeyd olunub ki, raketi məhv edən hava hücumundan müdafiə sursatının bir hissəsi Hatayın Dörtyol rayonuna düşüb, lakin hadisə nəticəsində ölən və ya yaralanan olmayıb. Nazirliyin bəyanatında həmçinin bildirilib: “Bütün tərəflərə bölgədə münaqişələrin daha da genişlənməsinə səbəb olacaq addımlardan çəkinmələri ilə bağlı xəbərdarlıq edirik".

 BBC NEWS

 Səmayə Səftərova