"İrəvan gündəliyi" layihəsinə start verildi

"Yenisi" Ədəbiyyat və Mədəniyyət Təzahürləri Mərkəzi İctimai Birliyinin növbəti - "İrəvan gündəliyi" adlı layihəsinə start verilib. Layihə çərçivəsində klassik və müasir Azərbaycan müəlliflərinin tarixi İrəvan şəhəri, o cümlədən İrəvan xanlığı haqqında yazdığı ədəbi mətnlərin yer alacağı nəzərdə tutulub. "İrəvan gündəliyi" layihəsində ilk dəfə olaraq İrəvan konsepti ədəbiyyatda - sistemli şəkildə, mərhələlər üzrə, vahid bir nəşrdə toplanacaq. Kitabın tərtibatında isə XIX əsrdə yaşamış Azərbaycan portretçisi və ornamentalist rəssamı Mirzə Qədim İrəvaninin əsərlərinin yer alaçağı bildirilir.        

Xatırladaq ki, layihə Azərbaycan Respublikasının Qeyri-Hökumət Təşkilatlarına Dövlət Dəstəyi Ağentliyinin maliyyə yardımı ilə həyata keçirilir.