İsrailin Tehranda yeni hədəfi: Bəsic

İsrail Tehranda Bəsic nəzarət məntəqələrini vətəndaşların çəkdiyi videolar vasitəsilə müəyyən edərək zərbələr endirir. Məqsəd İran İslam Respublikasının daxili təhlükəsizlik sistemini zəiflətmək və rejim əleyhinə etirazçıları daha da ruhlandırmaqdır.

İsrail ordusunun məlumatına əsasən, Tehranda fəaliyyət göstərən və qorxu yaradan rejim qüvvəsi hesab olunan Bəsic milisinin nəzarət məntəqələri və digər mövqelərinin izlənməsi və məhv edilməsi istiqamətində intensiv kampaniya aparılır. Bu barədə İsrail Müdafiə Qüvvələri (IDF), bir neçə İsrail media qurumu və Euronews-un fars xidmətinin İrandakı sosial media paylaşıqları üzərində apardığı müşahidələr məlumat verib.

İsrailin məqsədinin İran İnqilab Keşikçiləri Korpusuna (SEPAH) bağlı yarımhərbi qüvvə olan Bəsic birliklərini zəiflətmək, onların mənəvi ruhunu sarsıtmaq və ümumilikdə İran rejiminin repressiyalar üçün istifadə etdiyi daxili təhlükəsizlik aparatını zədələmək olduğu bildirilir.

Rejim Bəsic milisindən etiraz və narazılıqları zorakılıqla yatırmaq məqsədiylə istifadə etdiyi üçün, İsrailin bu cür hədəf seçmə taktikası rejim əleyhinə etirazçıların yenidən küçələrə çıxması üçün müəyyən imkan yarada bilər.

Euronews

Zəri Bayramlı