Kir Starmer Ues Stritinqin istefasından sonra siyasi mövqeyini qorumaq uğrunda mübarizə aparır

Britaniyanın Baş naziri Kir Starmer səhiyyə naziri Ues Stritinqin istefasından sonra cümə axşamı (14 may) siyasi mövqeyini qorumaq uğrunda mübarizə aparır. Stritinq istefa məktubunda Starmerin rəhbərliyinə “inamını itirdiyini” bildirib.

Stritinq istefa məktubunda qeyd edib ki, Böyük Britaniyanın baş naziri vizyonun lazım olduğu bir vaxtda “boşluq” yaradıb. O həmçinin bildirib ki, ötən həftə İngiltərə, Uels və Şotlandiyada keçirilən seçkilərdə Leyborist Partiyasının ağır məğlubiyyətə uğramasının “əsas səbəblərindən biri” Starmer hökumətinin populyarlığını itirməsi olub.

“Artıq aydındır ki, siz Leyborist Partiyasını növbəti ümumi seçkilərə aparmayacaqsınız və Leyborist deputatlar ilə həmkarlar ittifaqları bundan sonrakı mərhələ ilə bağlı müzakirələrin şəxsiyyətlər və ya xırda fraksiya çəkişmələri deyil, ideyalar mübarizəsi üzərində qurulmasını istəyirlər”, - Stritinq X sosial şəbəkəsində yayımlanan məktubunda yazıb.

“Bu proses geniş olmalıdır və mümkün olan ən güclü namizədlər iştirak etməlidir. Mən bu yanaşmanı dəstəkləyirəm və ümid edirəm ki, siz də buna şərait yaradacaqsınız”, - deyə o əlavə edib.

ANEWZ 
Lalə Qurbanlı