Kristerssonun Qrenlandiya ilə bağlı mesajı

İsveç Baş naziri Ulf Kristersson Qrenlandiya məsələsində ABŞ ilə mübarizə aparmadıqlarını, əksinə fikirlərini ifadə etdiklərini bildirib.

İsveç Baş naziri Ulf Kristersson İsveç Milli Təhlükəsizlik Şurası ilə görüşdən sonra mətbuat konfransı keçirib. Kristersson bildirib ki, İsveç ABŞ Prezidenti Donald Trampın Qrenlandiyanı ələ keçirmək planlarına qarşı çıxan ölkələr arasındadır və ABŞ əlavə tariflər tətbiq etməklə hədələyirkən ölkəsi Danimarkanı dəstəkləyir. Bu prosesin ABŞ ilə münasibətlərə zərər verdiyini bildirən İsveç Baş naziri deyib: "Biz ABŞ ilə mübarizə aparmırıq, fikirlərimizi ifadə edirik. Bunlar etibara xələl gətirən səhvlər idi. Düşünürəm ki, ABŞ etibara nə qədər zərər verdiyini az qiymətləndirir".

Kristersson bildirib ki, İsveç hökuməti Arktika müdafiəsinin qurulmasında iştirak etməyi təklif edib və əlavə edib: "İndi rahat yatıram". İsveçin Ukrayna məsələsini yaxından izlədiyini vurğulayan Kristersson, "İsveçin cəbhə xəttində və Ukraynadakı danışıqlarda baş verənlər barədə yaxşı məlumata sahib olduğunu bildirib. Hazırda Rusiyanın Ukraynanın sülh istəklərindən geri çəkilməyə hazır olduğuna dair heç bir əlamət yoxdur. Yaxın günlərdə danışıqlardan real ümidlər gözləməyin" deyib.

TRT Xəbər
Xədicə Məhərrəmli