Latakiyada ələvilərin etirazı zamanı atəş açılıb

Suriyanın əsasən ələvilər yaşadığı Latakiya şəhərində mərkəzsizləşdirmə çağırışı ilə keçirilən etirazların zorakılığa çevrilməsindən sonra 3 nəfər ölüb.

Dekabrın 28-i bazar günü şəhərin mərkəzindəki Azhari meydanına toplaşan minlərlə etirazçı mərkəzləşdirilməmiş siyasi sistem tələbi ilə çıxış edib.

Fransanın AFP xəbər agentliyinin verdiyi məlumata görə, nümayiş dini qurumun çağırışı ilə dekabrın 26-da Homsda 8 nəfərin ölümü ilə nəticələnən məscidə hücuma etiraz olaraq təşkil edilib. Reuters agentliyinin bölgədəki müxbirinin verdiyi məlumata görə, etiraz aksiyası başlayandan təxminən iki saat sonra naməlum yerdən atəş səsləri eşidilib.

BBC News 

Aytac İbrahimova