Maduro ABŞ ilə dialoqa hazırdır

Venesuela Prezidenti Nikolas Maduro Yeni il müsahibəsində ABŞ ilə ciddi danışıqlara açıq olduğunu deyib. O, neft sektoruna ABŞ investisiyalarını, o cümlədən Chevron kimi şirkətlərin fəaliyyətini qəbul etməyə və narkotik qaçaqmalçılığına qarşı əməkdaşlığa hazır olduqlarını bildirib.

Maduro vurğulayıb ki, faktlara əsaslanan açıq dialoq başlaya bilər. Prezident ABŞ-nin artan təzyiqlərinə baxmayaraq Donald Trampla danışmağa hazır olduğunu qeyd edib. Onun sözlərinə görə, Vaşinqtonun əsas məqsədi Venesuelanın neft, qızıl və nadir torpaq ehtiyatlarına nəzarət əldə etməkdir. ABŞ isə sanksiyaları genişləndirib və regionda hərbi fəallığı artırıb.
Maduro narkotik alveri ilə bağlı ittihamları rədd edib və problemin əsas mənbəyinin Kolumbiya olduğunu deyib. Sanksiyalar Venesuelanın neft ixracını azaldıb, iqtisadi vəziyyəti ağırlaşdırıb və bolivarın dəyəri kəskin düşüb. Buna baxmayaraq, Trampın yenidən hakimiyyətə gəlişindən sonra Venesuela istiqrazlarının qiymətində artım müşahidə olunur.

Reuters
Qəmər Kazımzadə