Makron Qrenlandiya və Kanadaya görə narahatdır

Fransa Prezidenti Emmanuel Makron səfirlərlə görüşündə ABŞ administrasiyasının iddiaları fonunda Qrenlandiya və Kanadanın suverenliyi ilə bağlı narahatlığını bildirib.

"İnformator.az" xəbər verir ki, Makronun sözlərinə görə, insanlar hər gün Qrenlandiyanın işğal olunub-olunmayacağını və Kanadanın ABŞ-nin 51-ci ştatı olmaq təhlükəsi ilə üzləşib-üzləşməyəcəyini soruşurlar.

Prezident qeyd edib ki, səfirlərin görüşündə iştirak edən bir çox şəxs müzakirələr zamanı bu məsələləri müzakirə edib.

Fransa lideri hesab edir ki, qlobal proseslərin idarə olunmasında beynəlxalq təşkilatların rolunu artırmağın vaxtı gəlib çatıb.

Makron vurğulayıb ki, indi BMT-nin rolunu gücləndirmək üçün ən uyğun andır.