“Mançester Yunayted” qışda onları satacaq

“Mançester Yunayted” qış transfer pəncərəsi öncəsi ciddi dəyişikliklərə hazırlaşır. Klub 4 futbolçu ilə vidalaşmağı planlaşdırsa da, Afrika Millətlər Kubokuna gedəcək əsas oyunçuların yaratdığı boşluq səbəbilə rəhbərlik çətin qərar qarşısında qalıb.

" "Mançester Yunayted"in hər mövqeyinə güclənmək lazımdır".

Bu sözləri idman jurnalisti Ceyhun Rzayev "İnformator.az"a açıqlamasında deyib. O qeyd edib ki, bu təkcə yarımmüdafiəyə aid olmamalıdır:

"Komanda illərdir uğursuz çıxış edir, azarkeşlərini məyus edir. Həmin o uğursuz zonadan çıxa bilmir. Neçə illərdir çempionluq nəsib olmur. Ümumiyyətlə, Afrika Millətlər Kubokuna futbolçuların getməsi təkcə "Mançester Yunayted"ə aid deyil. Avropanın ən öndə gedən hər klubu bu problemi yaşayıb. Ya komandaya afrikalı futbolçu dəvət etməməlisən, ya da bu nəticə ilə barışmalısan".

Zəhra Möhübbətova