"Manchester City" nin "Arsenal" a qarşı mənfi cəhəti nədir?

"Manchester City'' indiyə qədər çətin bir həftə yaşayıb, lakin bu çətin dövr Bazar günü Premyer Liqada çempionluq uğrunda rəqabət apardıqları "Arsenal'' ilə səfərdə keçiriləcək çətin qarşılaşma ilə başa çatacaq.

Mövzu ilə bağlı, idman mütəxəssisi Ağa Dadaşzadə "İnformator.az"a açıqlamasında bildirib ki, əzəli iki rəqibin qarşılaşması olacaq və azarkeşlər çox həyəcanlıdır:

" Normal bir qarşılaşma olacaq, komandalar arasında xüsusi bir qərəz, aqressiya olacağı düşünülmür. İdman qaydaları çərçivəsində prinsipial bir qarşılaşma olacaq. Premyer Liqa hələ təzə başlayıb və hər iki komanda ilk dəfə qarşılaşacaq. Müəyyən çərçivədə kəşfiyyat məqsədli hücumlar, əks-müdafiələr görəcəyik. Qarşılaşmanın bərabər hesabla bitməsi güman edilir, lakin futbol dünyası olduğu üçün hər zaman ehtimallara hazırlıqlı olmalıyıq".

Mələk Nəsirli