Metroda qatarlar boşaldılıb
Bakı Metropoliteninin “Həzi Aslanov” - “Dərnəgül” istiqamətində hərəkət edən qatarda nasazlıq yaranıb.
İnformator-un əldə etdiyi məlumata görə, sərnişinlər qatardan təxliyə olunublar, nasazlıq yaranan qatar isə baxış üçün depoya göndərilib.
Bununla bağlı olaraq “Bakı Metropoliteni” QSC-nin mətbuat xidmətinin rəhbəri Nəsimi Paşayev məlumat verib:
“Onun yerinə ehtiyat qatar xəttə buraxılıb. Qatardan sərnişinlər təxliyyə ediləndə, bir neçə saniyəlik gecikmə yaranıb. Digər stansiyalarda gecikmə yaransa da, problem aradan qaldırılıb. Artıq heç bir problem yoxdur”,- deyə o vurğulayıb.
