Mirzoyan Rəvançi ilə "Tramp yolu"nu müzakirə edib

Ermənistanın xarici işlər naziri Ararat Mirzoyan siyasi məsləhətləşmələri aparmaq üçün İrəvana səfər edən İran xarici işlər nazirinin müavini Məcid Taxt Rəvançini qəbul edib.

"İnformator.az" "Axar.az"a istinadən xəbər verir ki, görüşdə Ermənistan və İran arasında ikitərəfli münasibətlərin inkişaf etdirilməsi məsələləri müzakirə olunub.

Ararat Mirzoyan və Məcid Taxt Rəvançi regional infrastrukturun açılması məsələləri, o cümlədən "Tramp yolu" ilə bağlı fikir mübadiləsi aparıblar. Mirzoyan infrastrukturun açılmasının fundamental prinsiplər çərçivəsində mümkün olacağı barədə Ermənistanın açıq mövqeyini təkrarlayıb.