Mladenov Qəzza sülh komissiyasına rəhbəri olub

Mladenov Bolqarıstanın sabiq müdafiə və xarici işlər naziri olub, həmçinin İraqa BMT-nin xüsusi nümayəndəsi kimi fəaliyyət göstərib. O, 2015-2020-ci illərdə BMT-nin Yaxın Şərq üzrə sülh nümayəndəsi olub.

İsrailin baş naziri Benyamin Netanyahu cümə axşamı günü bildirib ki, sabiq BMT-nin Yaxın Şərq üzrə xüsusi nümayəndəsi, bolqar diplomat Nikolay Mladenov, ABŞ Prezidenti Donald Trampın Qəzzada sülh prosesinin nəzarətini həyata keçirəcək Sülh Komissiyasının baş direktor vəzifəsinə təyin edilib.

Netanyahu bu açıqlamanı Təl-Əvivdə Mladenovla görüşündən sonra verib. Açıqlamada onların birlikdə çəkilmiş şəkilləri və əl sıxma anının qısa videosu yer alıb.

Netanyahu Mladenovu komissiyanın “təyin olunmuş” baş direktoru kimi təqdim edib. Bu qurum atəşkəsin ikinci və daha mürəkkəb mərhələsinin həyata keçirilməsinə nəzarət etməlidir.

Vaşinqtondan dərhal rəsmi təsdiq gəlməsə də, bu təyinat Trampın Yaxın Şərq üzrə sülh planında mühüm irəliləyiş sayılır. Plan, oktyabr ayında İsrail ilə Həmas arasında iki ildən çox davam edən döyüşlərə son qoyan atəşkəsdən sonra dayandırılıb.

Euronews 

Zəri Bayramlı