Netanyahu seçicilərin qəzəbi ilə üz-üzə

İsrailin baş naziri Benyamin Netanyahu payızda keçiriləcək seçkilərdə yenidən namizəd olacağını açıqlasa da, ABŞ-nin İran və Livanla müharibələri dayandıran razılaşması onun mövqeyini daha da zəiflədib. 2023-cü ilin 7 oktyabr HƏMAS hücumundakı təhlükəsizlik boşluqları, Qəzza və Livandakı müharibələrdə “davamlı qələbə”nin əldə olunmaması və İsrail-ABŞ münasibətlərində yaranan gərginlik seçicilərin narazılığını artırıb. Rəy sorğularına görə, Netanyahuya rəhbərlik edən sağçı koalisiya seçkilərdə uduzmaq riski ilə üz-üzədir.

Tənqidçilər Netanyahuya həm daxildə, həm də beynəlxalq aləmdə artan təzyiqləri xatırladırlar. Qəzzadakı dağıntılar İsrailə qarşı müharibə cinayətləri ittihamlarını gücləndirib, Haaqa Beynəlxalq Cinayət Məhkəməsinin orderi isə onun imicinə ciddi zərbə vurub.
 

Netanyahu isə ittihamları rədd edir və İran təhlükəsinə qarşı sərt mövqeyini müdafiə edir. Buna baxmayaraq, uzun illər İsrail siyasətinə damğa vuran liderin siyasi irsi indi daha kəskin şəkildə mübahisə olunur.

Reuters
Mələk Hüseynova