Qadın futbolunda ilin ən baxımlı qolu seçilib
FİFA qadın futbolunda ilin ən baxımlı qolunun müəllifini açıqlayıb. Bu mükafata “Orlando Prayd” klubunun meksikalı futbolçusu Lizbet Jaklin Ovalye layiq görülüb.
Ovalye qadın futbolunda ən baxımlı qola görə təqdim olunan “Marta mükafatı”nı qazanıb. Kişi futbolunda verilən “Puşkaş” mükafatının analoqu olan bu mükafat 2024-cü ildən təqdim edilir və ilk qalibi braziliyalı ulduz Marta olub.
Qeyd edək ki, Ovalye 2017–2025-ci illərdə Meksikanın “UANL Tiqres” klubunda çıxış edib.
Qol.az
Aişə Mustafayeva
