"Qarabağ"dan ayrılan Veşoviçin yeni klubu

Bu yay "Qarabağ"dan ayrılan Marko Veşoviç karyerasını Xorvatiyanın "Lokomotiva" (Zaqreb) klubunda davam etdirəcək.

"İnformator.az" xəbər verir ki, bu barədə klubun mətbuat xidməti məlumat yayıb.

Onunla bağlanan müqavilənin müddəti hələlik açıqlanmayıb.

Qeyd edək ki, M. Veşoviç 2021-ci ildən "Qarabağ"da çıxış edirdi. Monteneqrolu futbolçu Ağdam təmsilçisində 134 oyuna çıxıb, 5 qol vurub və 16 məhsuldar ötürmə verib. Əlavə edək ki, Veşoviçin "Turan Tovuz"la danışıq aparması ilə bağlı da xəbərlər yayılmışdı.