"Qarabağ"ın rəqiblərindən biri qalib gəlib, biri isə uduzub

İngiltərə Premyer Liqasında 12-ci turun oyunları keçirilir.

"İnformator.az" xəbər verir ki, “Liverpul” doğma meydanda “Nottingem Forest”lə qarşılaşıb. Görüş qonaqların 3:0 hesablı qələbəsi ilə yekunlaşıb.

“Çelsi” isə səfərdə “Börnli”ni 2:0 hesabı ilə üstələyib.

Hazırda London klubu 23 xalla ikinci pillədə qərarlaşıb. Mersisayd təmsilçisi isə 18 xalla 11-ci yerdədir. Turnir cədvəlinə 26 xalla “Arsenal” başçılıq edir.

Qeyd edək ki, “Liverpul” Çempionlar Liqasının Liqa mərhələsində “Qarabağ”ın rəqiblərindən biridir. “Çelsi” ilə təmsilçimizin Bakıda keçirilən görüşü isə 2-2 hesabı ilə başa çatıb.