"QARABAĞDA YAYIMLANAN RADİO HƏMİN ƏRAZİDƏKİ ABU-HAVANI BİZƏ CANLI ŞƏKİLDƏ ÖTÜRƏCƏK"

Qarabağda 101.1 FM dalğasının yayımına başlanılıb.

Radio aparıcı, 106.3 FM-də yayımlanan Masterclass layihəsinin rəhbəri Raqif Raufoğlu Qarabağda yeni yayıma başlayan radio barədə fikirlərini açıqlayıb: "Radio rəhbərliyi onların qarşısında duran tapşırığı bilir. Bu özəl, əyləncə məqsədli radio deyil. Adından da göründüyü kimi beynəlxalq radiodur. Yayım həmin bölgəni əhatə edəcək".

Aparıcı qeyd edir ki, "həmin məkanda radio təbliğat üçün böyük rol oynayır. Biz Qarabağ musiqisi, muğamı həmişə eşitmişik. Onlar həmişə səyyar yaşayıblar, indi öz ərazilərində səsləndiriləcək radio, oradakı musiqilər o abu-havanı bizə ötürəcək. Həmçinin, radioda reklam çarxları da səsləndiriləcək. Həmin bölgəyə aid olan ən aktual məsələləri biz canlı şəkildə eşidəciyik, eşitməliyik də".

ÇİNARƏ MURADOVA