Qattuzo "Latsio"nun yeni baş məşqçisi olacaq

İtaliyalı mütəxəssis Cennaro Qattuzo yaxın günlərdə ölkəsinin "Latsio" klubuna baş məşqçisi təyin olunacaq.

"İnformator.az" xəbər verir ki, bu barədə tanınmış insayder Fabritsio Romano məlumat yayıb.

Mənbənin bildirdiyinə görə, tərəflər arasında 2 illik müqavilə ilə bağlı yekun razılıq əldə olunub.

Daha əvvəl "Latsio"nun hazırkı baş məşqçisi Mauritsio Sarrinin "Atalanta"ya rəhbərlik etməyə yaxın olduğu barədə xəbərlər yayılıb.

Qeyd edək ki, Qattuzonun son iş yeri İtaliya milli komandası olub. O, yığmanın 2026-cı il dünya çempionatına vəsiqə qazana bilməməsindən sonra vəzifəsindən uzaqlaşdırılıb.