RAF Fairford insidenti ilə bağlı Böyük Britaniya-İran ikili vətəndaşı saxlanılıb

Anti-terror polisinin bildirdiyinə görə, RAF Fairford bazasındakı insidentlə əlaqədar olaraq Böyük Britaniya-İran ikili vətəndaşı olan şəxs terror aktları hazırlamaqda şübhəli bilinərək saxlanılıb.

27 yaşlı kişi Londonun Vestminster rayonunda saxlanılıb. İkinci şəxs- 26 yaşlı Böyük Britaniya vətəndaşı da rəsmi xəbərdarlıq edilərək dindirilib və ərazidəki iki mülkdə axtarış aparılıb. Polis bildirib ki, ərazi yaxınlığındakı furqonlarda aparılan axtarışlar zamanı müəyyən miqdarda benzin tapılıb, lakin heç bir partlayıcı qurğu aşkar edilməyib.

ABŞ-nin dövlət katibi Marko Rubio bazar ertəsi bildirib ki, onilliklər ərzində USAF-ın irəli əməliyyat məntəqəsi kimi istifadə etdiyi bazadakı insidentdə "xarici tərəfin əli olduğu" aydın görünür.

Səkinə Musayeva
BBC News