Ramil Şeydayev yenidən “Qarabağ”da

"Qarabağ" Ramil Şeydayevi transfer etdiyini təsdiqləyib.

"İnformator.az" xəbər verir ki, bu barədə klubun mətbuat xidməti məlumat yayıb.

"Köhlən atlar" 29 yaşlı hücumçunu yenidən sıralarına cəlb edib. Futbolçu Ağdam təmsilçisində 77 nömrəli formanı geyinəcək.

Qeyd edək ki, R.Şeydayev son olaraq "Neftçi"də çıxış edib. O, daha əvvəl 2017/2018 mövsümündə və 2021-ci ildən 2023-cü ilə qədər "Qarabağ"ın uğurları üçünçalışıb.