Ərdoğandan CHP-yə: "Siyasi partiya deyil, sanki döyüş klubudur"

Prezident Rəcəb Tayyib Ərdoğan CHP-də yaşananlarla bağlı bildirib ki, millət iş-gücünü buraxıb hər gün aksiyon filmi izləyirmiş kimi CHP-ni izləyir. Bu, siyasi partiya deyil, sanki döyüş klubudur. Ərdoğan Ədirnədəki Səlimiyyə məscidinin yenidən ibadətə açılması mərasimində çıxışı zamanı "Siz millət vəkilisiniz, yoxsa militant?" deyə sual edib. O həmçinin bildirib ki, küçələrdə qarışıqlıq yaratmaq siyasət və ya haqq axtarma vasitəsi deyil və xalqın əmin-amanlığının pozulmasına imkan verməyəcəklər. Qeyd edək ki, CHP-də qəbul edilən qərardan sonra Kamal Kılıçdaroğlu yenidən partiya sədri olub. Özgür Özəl isə parlamentdə fraksiya rəhbəri seçilib və partiyada ikili idarəetmə formalaşıb.

 BBC NEWS

 Səmayə Səftərova