Real Madrid-in "Atletik"lə oyun öncəsi son məşqi keçirilib

La Liqanın 19-cu turu çərçivəsində “Real Madrid” çərşənbə günü saat 21:00-da “San Mames” stadionunda “Atletik”in qonağı olacaq (yayım: Orange TV və DAZN).

Komanda qarşılaşma öncəsi “Real Madrid City” təlim-məşq bazasında son məşqini keçirib. Futbolçular məşqə video analizlə başlayıblar. Daha sonra meydanda ümumi hərəkətlilik məşqləri və qruplar şəklində “rondo” çalışmaları yerinə yetirilib. Taktiki tapşırıqlardan və qapıya zərbələrdən sonra kiçik sahədə oyunlar keçirilib. Məşq zərbə çalışmaları ilə yekunlaşıb. Mendi bərpa prosesinə start verib. Huysen, Alaba və Karvahal fərdi bərpa proqramlarını davam etdirirlər.

Real Madrid

Mələk Nəsirli