Ronaldo 950-ci qoluna imza atıb

Cristiano Ronaldo 950 qol vuran ilk futbolçu olub. Hücumçu Səudiyyə Ərəbistanı çempionatının altıncı turunda səfərdə "Əl-Həzm"ə qarşı keçirilən oyunda fərqlənib.

Mövzu haqqında idman mütəxəssisi Aslan Kərimov "İnformator.az"a açıqlamasında bildirib ki, bu uğur əsasən, futbolçunun öz motivasiyası üçün vacib hesab olunur:

" Ronaldo-nun bu uğurları futbol tarixində bir çox məqamlarda birincilik ilə yaddaşlarda qalmasına səbəb olur. Futbolçunun bundan sonrakı hədəflərinin nə olacağı haqqında heç kəs dəqiq informasiya sahibi deyil. Lakin onun futbol məşqçiliyi və ya menecerlik edəcəyi güman edilir".

Mələk Nəsirli