Ronaldo: “Messi məndən yaxşı deyil”

Portuqaliyalı ulduz Kriştiano Ronaldo jurnalist Piers Morganla geniş müsahibəsində Lionel Messi ilə müqayisəyə münasibət bildirib. O, “Messi məndən yaxşıdır?” sualına qəti cavab verib: “Razı deyiləm, təvazökar olmayacam".

Ronaldo həmçinin hazırkı vəziyyəti, karyerasının davamı və keçmiş komanda yoldaşlarının fikirləri barədə danışıb. Wayne Rooney-nin “Messi daha yaxşıdır” sözlərinə cavab olaraq Ronaldo bu fikirlə razılaşmadığını deyib. Hazırda Ronaldo “Əl-Nəsr”lə 2027-ci ilə, Messi isə “İnter Mayami” ilə 2028-ci ilə qədər müqavilə imzalayıb. Hər iki ulduz futbolçu hələlik karyerasını bitirməyi düşünmür. Müsahibə sabah yayımlanacaq.

Foot Africa

Mələk Nəsirli