Rusiya Federasiya Şurası Zelenskinin Belarusa qarşı təhdidlərini ciddi hesab edir

Rusiya Federasiya Şurası sədrinin müavini Konstantin Kosaçevin sözlərinə görə, Vladimir Zelenskinin Belarusa qarşı səsləndirdiyi təhdidlər ciddi qəbul edilməlidir, çünki o, “irrasional və proqnozlaşdırılması çətin bir insandır”. Bu barədə Kosaçev TASS-a müsahibəsində bildirib.

Zelenski daha əvvəl Ukrayna-Belarus sərhədi boyunca Belarus ərazisində yerləşdirildiyini iddia etdiyi hərbi texnikanın bir həftə ərzində çıxarılmaması halında ona zərbə endirilməsi əmrini verməyə hazır olduğunu açıqlayıb.

Kosaçev qeyd edib ki, o, hakimiyyətdə qalmaq və qalib gəldiyini sübut etmək ehtirası ilə hərəkət edir və bu məqsədlə Belarusa qarşı aqressiya da daxil olmaqla istənilən vasitəni məqbul sayır. Onun sözlərinə görə, Zelenskinin düşüncəsində Belarusun kiçik əraziyə və Ukraynaya yaxın coğrafi mövqeyə malik olması səbəbindən “asanlıqla” hədəf alına biləcəyi kimi təhlükəli bir illüziya formalaşıb və bu səbəbdən məsələ maksimum ciddi qiymətləndirilməlidir.

TASS
Mələk Hüseynova