Rusiya gecə 123 Ukrayna PUA-sının vurulduğunu açıqlayıb

Rusiya Müdafiə Nazirliyi gecə ərzində ölkənin müxtəlif bölgələri, həmçinin Qara və Azov dənizləri üzərində 123 Ukrayna pilotsuz uçuş aparatının (PUA) hava hücumundan müdafiə sistemləri tərəfindən məhv edildiyini bildirib.

Məlumata görə, PUA-lar Belqorod, Bryansk, Kaluqa, Kursk, Oryol, Rostov, Ryazan, Smolensk, Tver, Tula, Krasnodar və Moskva vilayətləri, eləcə də Krım üzərində vurulub.

Tula şəhərində dronların yaşayış məntəqəsinə hücumu nəticəsində ilkin məlumata əsasən 3 nəfər həlak olub, 1 yaşlı uşaq da daxil olmaqla daha 3 nəfər yaralanıb.

Xerson vilayətində gecə hücumu nəticəsində Çonqar yaxınlığındakı körpülərə və Geniçeski Arabat oxu ilə birləşdirən körpüyə ziyan dəyib. Təhlükəsizlik məqsədilə həmin istiqamətdə nəqliyyatın hərəkəti dayandırılıb.

Belqorod vilayətində də dron hücumları nəticəsində mülki şəxslərin yaralandığı, yaşayış evləri və digər obyektlərə zərər dəydiyi bildirilir.

Tass
Ədilə Hüseynzadə