Rusiyadan qəribə təklif: Tankerlərimizi minalayaq...

Rusiya tankerlərini Qərb ölkələri “kölgə donanması”nın həbsindən qorumaq üçün onları minalamaq lazımdır.

"İnformator.az" xəbər verir ki, bunu "Roskosmos"un keçmiş rəhbəri Dmitri Roqozin deyib.

Böyük Britaniyanın Rusiya tankerini həbs etməsini şərh edən Roqozin bu cür gəmilərin minalanmasını və Avropanın ərazi sularında partlamasını təklif edib:

"Hesab edirəm ki, istifadə etdiyimiz tankerləri minalamaq lazımdır. Partlayış müvafiq əmrlər alındıqdan sonra və ya tanker öz marşrutundan kənara çıxdıqda və xarici limana daxil olmağa məcbur olduqda başlamalıdır. Bir neçə dəfə neft sızması və müvafiq ekoloji fəsadlarla üzləşdikdə dərhal özlərinə gələcəklər".