“Sabah”ın Çempionlar Liqasındakı rəqibləri bəlli olub

Tarixində ilk dəfə Çempionlar Liqasında mübarizə aparacaq Azərbaycanın “Sabah” klubunun rəqibləri müəyyənləşib.

UEFA Çempionlar Liqasının liqa mərhələsinin püşkatması keçirilib. Püşkatmanı keçmiş futbolçular — fransalı Tyerri Anri və ispaniyalı David Vilya həyata keçiriblər.

Tarixində ilk dəfə “Çempionlar Liqası”nda iştirak edən Azərbaycan təmsilçisi “Sabah”ın rəqibləri bunlardır:

“Barselona”, “Arsenal”, “Borussiya Dortmund”, “Mançester Yunayted”, “Napoli”, “Vilyarreal”, “Sparta Praqa” və “Vikinq”.

Çempionlar Liqasında hər komanda evdə və səfərdə olmaqla ümumilikdə 8 oyun keçirəcək.

Liqa mərhələsinin bütün oyunları başa çatdıqdan sonra ilk 8 pillədə qərarlaşan komandalar birbaşa 1/8 finala yüksələcək.

9-24-cü yerləri tutan 16 komanda isə pley-off mərhələsində iki oyundan ibarət qarşılaşmalarda üz-üzə gələcək və 1/8 finala vəsiqə uğrunda mübarizə aparacaq.

İlk 24-lükdə yer almayan komandalar isə turnirdə mübarizəni dayandıracaq.

Fiksturun ən geci avqustun 29-da açıqlanacağı Çempionlar Liqasında ilk həftənin oyunları sentyabrın 8-10-da keçiriləcək. Liqa mərhələsi 2027-ci il yanvarın 27-də başa çatacaq.

Turnirin final qarşılaşması 2027-ci il iyunun 5-də İspaniyanın paytaxtı Madriddəki “Metropolitano” stadionunda keçiriləcək.

Çempionlar Liqasında oyun tarixləri:

1-ci həftə: 8-10 sentyabr

2-ci həftə: 13-14 oktyabr

3-cü həftə: 20-21 oktyabr

4-cü həftə: 3-4 noyabr

5-ci həftə: 24-25 noyabr

6-cı həftə: 8-9 dekabr

7-ci həftə: 19-20 yanvar 2027

8-ci həftə: 27 yanvar 2027

1/8 final pley-offu: 16-17 və 23-24 fevral 2027

1/8 final: 9-10 və 16-17 mart 2027