Saymon Kleq Avropa oyunlarının bağlanış mərasimindən danışıb

"Bakıda keçirilən Birinci Avropa Oyunlarının bağlanış mərasimi açılışdan fərqli olacaq".

İnformator-un məlumatına görə, bunu Avropa Oyunları Əməliyyat Komitəsinin (BEGOC) əməliyyatlar üzrə baş direktoru Saymon Kleq bu gün keçirilən ənənəvi mətbuat konfransında deyib. 

"Ənənəvi olaraq bağlanış mərasimi açılışdan fərqli olacaq. Burada idmançılar təntənəli surətdə bağlanışı həyata keçirəcəklər. Bu tədbir, müəyyən qədər karnavala da bənzəyəcək. Amma mərasim haqqında məlumatlar məxfi saxlanıldığından mən daha ətraflı heç nə deyə bilmərəm", - deyə Saymon Kleq bildirib.

Xatırladaq ki, Avropa Oyunlarının bağlanış mərasimi iyunun 28-də keçiriləcək.