Səudiyyə Ərəbistanının rəhbərliyindəki koalisiya Yəməndə CKŞ qüvvələrinə zərbələr endirib

Səudiyyə Ərəbistanının rəhbərlik etdiyi koalisiya Yəmənin cənub-şərqində yerləşən Əd-Dali vilayətində Cənub Keçid Şurasının (CKŞ) qüvvələrinə zərbələr endirib.

"İnformator.az" xəbər verir ki, bu barədə SPA məlumat yayıb.

Koalisiyanın rəsmi nümayəndəsi general-mayor Turki əl-Maliki bildirib ki, öz düşərgələrini tərk edən CKŞ qüvvələri Əd-Dali vilayətində yerləşən Əl-Zənd düşərgəsinin yaxınlığındakı binada aşkar olunub və bundan sonra onlara "məhdud preventiv zərbələr" endirilib.

Onun sözlərinə görə, koalisiyanın hərəkətləri separatçı qüvvələrin fəaliyyətini pozmaq və CKŞ sədri Aydarus əz-Zubaydinin münaqişəni gərginləşdirmək cəhdlərinin qarşısını almağa yönəlib.