"Sumqayıt" yoxlama oyununda Macarıstan klubuna uduzub

Türkiyənin Antalya bölgəsində təlim-məşq toplanışında olan "Sumqayıt" komandası ilk yoxlama oyununda məğlub olub.

"İnformator.az"ın məlumatına görə, Saşa İliçin baş məşqçisi olduğu kollektiv Macarıstan təmsilçisi "Pakş"la üz-üzə gəlib.

Qarşılaşma rəqibin 5:1 hesablı qələbəsi ilə yekunlaşıb. "Kimyaçılar"ın qoluna Rüstəm Əhmədzadə imza atıb.

Qeyd edək ki, "Sumqayıt" yanvarın 12-də Serbiyanın OFK (Belqrad), 16-da isə Xorvatiyanın "Osiyek" klubları ilə qarşılaşacaq.