Tıxac daha da artacaq

Yeni dərs ilinin başlaması ilə əlaqədar metro və ictimai nəqliyyatda sıxlıq müşahidə olunur. Rayondan tələbə gətirən maşınlar, istirahəti bitirib Bakıya qayıdan insanlar və s. sıxlığın artmasına daha çox səbəb olur. Yaranan tıxaclar sürücüləri, sərnişinləri hədsiz narahat edir. Ekspertlər tıxacın hələ ki həlli yolu olmadığını deyir, hətta dərs ili başladıqda tıxac pik həddə çatacaq.

Sürücülər isə tıxacla əlaqədar avtobus və metrolarda insanlar arasında olan anlaşılmazlıqdan söz açdı. Belə ki, avtobus və metroya daxil olarkən insanlar sıra gözləmir, hamısı tələsir, bu sırada münaqişələr baş verir.

Sərnişinlər tıxacla əlaqədar çox əziyyət çəkdiklərini, işə gecikdiklərini bildirirdilər.Tıxac səbəbi ilə baş verən qəzaların da sayı az deyil. Ekspertlər təklif edir ki, avtomobillər arasında ara məsafəsi olarsa, tıxacla bağlı qəzaların sayı artmaz.

Çinarə Muradova