Tramp: İran ABŞ ilə danışıqlarda razılaşma əldə etmək istəyir

Donald Tramp bildirib ki, çərşənbə axşamı Cenevrədə başlanması planlaşdırılan İran-ABŞ danışıqlarında o, “dolayı yolla” iştirak edəcək.

ABŞ prezidenti “Air Force One” təyyarəsində jurnalistlərə açıqlamasında əlavə edib ki, onun fikrincə, İran öz nüvə proqramı ilə bağlı razılaşma əldə etmək istəyir.

İsveçrədə keçirilən danışıqların ikinci raundu, İranın hökumət əleyhinə etirazları qanlı şəkildə yatırması və ölkənin nüvə proqramı ətrafında davam edən mübahisələr fonunda səsləndirilən təkrarlanan hərbi təhdidlərdən sonra baş tutur.

Bazar ertəsi Tehrandakı Xarici İşlər Nazirliyi bəyan edib ki, ABŞ-nin nüvə məsələsi ilə bağlı mövqeyinin “daha real yanaşmaya” doğru dəyişdiyinə inanır.

BBC 
Banuçiçək Məmmədova