Tramp: Qrenlandiyanın alınması üçün təcili danışıqlar tələb edirəm

ABŞ Prezidenti Donald Tramp Davosda keçirilən Dünya İqtisadi Forumunda çıxışında Qrenlandiya ilə bağlı hərbi güc tətbiq etməyəcəyini bildirərək deyib: "Tariximiz boyunca bir çox digər ərazilərlə etdiyimiz kimi, ABŞ tərəfindən Qrenlandiyanın alınmasını müzakirə etmək üçün (Danimarka ilə) təcili danışıqlar tələb edirəm".

ABŞ Prezidenti: "Həddindən artıq güc tətbiq etmək qərarına gəlməsək, yəqin ki, Qrenlandiyadan heç nə əldə edə bilməyəcəyik, bu halda açıq-aydın qarşısıalınmaz olacağıq. Amma mən bunu etməyəcəyəm. Güc tətbiq etmək istəmirəm, güc tətbiq etməyəcəyəm" deyib və hərbi variantı nəzərdən keçirmədiyini bildirib. Rusiya və Çinə toxunan Tramp qeyd etdi ki, Qrenlandiya təkcə ABŞ üçün deyil, həm də Avropanın təhlükəsizliyi üçün vacibdir və buna görə də onlara məxsus olmalıdır. Danimarka ilə danışıqlara başlamaq tələbi
Bu məsələ ilə bağlı Danimarka ilə danışmağa hazır olduqları mesajını verən Tramp deyib:

"Buna görə də, tariximiz boyunca bir çox başqa əraziləri satın aldığımız kimi, ABŞ tərəfindən Qrenlandiyanın satın alınmasını müzakirə etmək üçün (Danimarka ilə) təcili danışıqların aparılmasını xahiş edirəm." Tramp sözünə davam edərək deyib:

"Dünyanı qorumaq üçün bir buz parçası (Qrenlandiya) istəyirik, amma onlar bunu bizə verməyəcəklər. İndi onların seçimləri var. Onlar "bəli" deyə bilərlər və biz çox minnətdar olarıq, ya da "yox" deyə bilərlər və biz bunu unutmayacağıq".

TRT Xəbər
Xədicə Məhərrəmli