Tramp Venesuelaya sanksiyaların müddətini uzadıb

ABŞ Prezidenti Donald Tramp Venesuelaya qarşı sanksiyaları bir il müddətinə uzadıb.

"İnformator.az" xəbər verir ki, bu barədə ABŞ hökumətinin məlumatında deyilir.

Bildirilib ki, bu məhdudiyyətlər ABŞ-nin 44-cü prezidenti Barak Obamanın 2015-ci ilin mart ayında Bolivar Respublikasında baş verən insan haqlarının pozulması ilə bağlı imzaladığı fərman əsasında tətbiq olunub.

Sonrakı illərdə bu sanksiyalar dəfələrlə sərtləşdirilib və uzadılıb.