Trampdan Putinə

ABŞ Prezidenti Donald Tramp rusiyalı həmkarı Vladimir Putindən şaxtalı hava səbəbindən paytaxt Kiyevə və digər Ukrayna şəhərlərinə hücumları bir həftə dayandırmasını xahiş edib.

"İnformator.az" xəbər verir ki, amerikalı lider bu barədə Ağ Evdə jurnalistlərlə görüşündə deyib.

"Həddindən artıq soyuq hava... Onlar bizimlə eyni vəziyyətdədir. Bu səbəbdən şəxsən prezident Putindən xahiş etdim ki, bu müddət ərzində Kiyevi və digər şəhər-qəsəbələri bir həftə ərzində atəşə tutmasın. Bu, sadəcə soyuq deyil. Bu, qeyri-adi soyuqdur. Orada da rekord dərəcədə soyuq havalar olur", - deyə o bildirib.