“Turan Tovuz” “Neftçi”ni məğlub edib

Azərbaycan Premyer Liqasında III turun daha bir oyunu keçirilib.

"İnformator.az" xəbər verir ki, “Neftçi” doğma meydanda “Turan Tovuz”la üz-üzə gəlib.

Görüş bölgə təmsilçisinin 1:0 hesablı qələbəsi ilə yekunlaşıb.

“Turan Tovuz”un qolunu 6-cı dəqiqədə Roberto Olabe vurub.

“Ağ-qaralar” matçın 56-cı dəqiqəsində İqor Ribeyronun qırmızı vərəqə alması ilə azlıqda qalıb.

Bununla da Kurban Berdıyevin komandası xallarının sayını 6-ya çatdıraraq 2-ci pilləyə yüksəlib. Samir Abasovun rəhbərlik etdiyi kollektiv 2 xalla 8-cidir.

Qeyd edək ki, tura avqustun 31-də yekun vurulacaq.