Ukraynada bəndin partlaması Çernobıldan sonra ən böyük texnogen fəlakət kimi qiymətləndirildi

Ukraynanın Xerson vilayətində Rusiya qüvvələrinin nəzarətində olan Nova Kaxovka bəndi hücum nəticəsində dağılıb, bir çox yaşayış məntəqəsi isə sel suları altında qalıb.

İnfromator.az TRT Haber-ə istinadən xəbər verir ki, Avropada Çernobıldan bu yana ən böyük texnogen fəlakət adlandırılan partlayışdan sonra Ukrayna cəbhəsindən gözlənilən bəyanat gəlib. Kiyev tərəfi bəndin partlaması nəticəsində baş verən daşqınlar nəticəsində ən azı 5 nəfərin həyatını itirdiyini açıqlayıb.

Ukrayna hücumun Rusiya qüvvələri tərəfindən həyata keçirildiyini bildirsə də, Rusiya bu iddianı təkzib edib. Kremlin sözçüsü Peskov Rusiyanın nəzarətində olan Xerson vilayətində Nova Kaxovka bəndinin dağılmasını Ukraynanın qəsdən törətdiyi təxribat olduğunu bildirib.

Sayad