Ümumdünya Universiadası:

Almaniyada keçirilən 32-ci Ümumdünya Universiadasında Azərbaycanın bədii gimnastika üzrə qrup hərəkətləri komandası qızıl medal qazanıb. 

"İnformator.az" "Teleqraf"a istinadən xəbər verir ki, Yelizaveta Luzan, Dərya Sorokina, Kamilla Əliyeva, Ləman Əlimuradova və Güllü Ağalarzadə üç top və iki halqa ilə çıxış ediblər.

Qızlar 26.350 bal toplayıb və yekun nəticədə 50.500 xalla Universiadanın qalibi olublar.

Qeyd edək ki, bu, Ümumdünya Universiadasında Azərbaycanın ilk medalı, universiadalar tarixində isə komanda yarışlarında azərbaycanlı gimnastların ilk uğurudur.