Venesuelanı Marko Rubio idarə edəcək

ABŞ Dövlət katibi Marko Rubio Venesuela Prezidenti Nikolas Maduronun həbsindən sonra ABŞ-nin Venesuelanı idarə etməsində aparıcı rol oynaya bilər.

“İnformator.az” xəbər verir ki, bu barədə “Blumberq” anonim ABŞ rəsmisinə istinadla məlumat yayıb.

“Ağ Evin hazırda təxminən 30 milyon əhalisi olan neft hasil edən ölkəni idarə etmək üçün dəqiq bir planı yoxdur. Lakin ABŞ Prezidenti Donald Tramp ölkənin neft sənayesinə böyük diqqət yetirdiyini açıq şəkildə bildirib”, - məlumatda bildirilib.

Qeyd edək ki, ötən gün ABŞ ordusu Karakasa zərbə endirib və ölkə Prezidenti Maduro və həyat yoldaşını ələ keçirərək, ABŞ-yə aparıb.