Yaponiyada tarixi seçki qələbəsi: LDP-nin zəfərindən sonra fond bazarı rekord həddə çatıb

Bazar ertəsi Yaponiyanın fond bazarlarında səhmlər tarixi maksimum səviyyəyə yüksəlib. Buna səbəb Baş nazir Sanae Takaichinin rəhbərlik etdiyi Liberal Demokrat Partiyasının (LDP) seçkilərdə tarixi qələbə qazanması olub.

LDP bazar günü keçirilən seçkilərdə 465 yerlik parlamentin aşağı palatasında 316 mandat əldə edib. Bu, 1947-ci ildə Yaponiyanın parlamenti indiki formada yaradıldıqdan sonra ilk dəfədir ki, tək bir partiya üçdə iki səs çoxluğuna nail olur. LDP-nin koalisiya tərəfdaşı olan Yaponiya İnnovasiya Partiyası isə daha 36 dairədə qalib gələrək, koalisiyanın ümumi mandat sayını 352-yə çatdırıb. Bu böyük mandat Baş nazir Takaichi üçün riskli, lakin uğurlu bir addım oldu. İndi onun qarşısında Yaponiyanın durğun iqtisadiyyatını dirçəltmək və artan yaşayış xərcləri problemini həll etmək kimi ciddi vəzifələr dayanır.

BBC
Banuçiçək Məmmədova