Yuri Vernidub

Misli Premyer Liqasının 15-ci turunda “Neftçi” “Sumqayıt”la 2:2 hesablı heç-heçə edib. Matçdan sonra baş məşqçi Yuri Vernidub bildirib ki, komanda ilk 65–70 dəqiqədə yaxşı oyun göstərsə də, sonda fiziki yorğunluq hiss olunub.

Mütəxəssis qeyd edib ki, “Neftçi”nin hazırkı mövqeyi qənaətbəxş deyil: “Mən sehrbaz deyiləm, amma bu komanda ən azı 3-cü yer uğrunda mübarizə aparmalıdır”.

Vernidub heyətin gücləndiriləcəyini, təlim-məşq toplanışında problemlər üzərində işlənəcəyini və məqsədin avrokuboklara vəsiqə qazanmaq olduğunu vurğulayıb.

Qol.az

Aişə Mustafayeva