“Zirə” onunla yollarını ayırıb

"Vinsent Tillə bağlı çox şey demək istəmirəm. Çünki "Zirə"yə gəldiyi vaxtdan o zədə ilə başlayıb. Biz onu "Zirə"də çox görə bilmədik. Məncə, "Zirə" düzgün addım edib, onunla yollarını ayırıb".

Bu sözləri futbol funksioneri Ceyhun Sultanov "İnformator.az"a açıqlamasında deyib. O qeyd edib ki, əgər bir futbolçu bir klubda zədəli qalacaqsa, komandaya xeyir verə bilməyəcəksə, yollarını ayırmalıdırlar:

"Tillin hansı komandaya keçəcəyinə gəldikdə mən dəqiq bir söz deyə bilmərəm, çünki bu onun şəxsi işidir. Hansı klublarla danışıq aparacaq, hansı komandaya keçəcək və s. Amma qaldı ki, onun yerinə hansı futbolçular transfer olacaq, o da, elə mövzudur ki, klubun bir neçə legioneri var, bir legioner də götürsə Federasiya rüsum ödəyəcək".

Zəhra Möhübbətova