"Sabah" İsrailin "Makkabi" (Hayfa) klubunu qəbul edəcək

Bölmə: İdman › ,
Tarix: 15:09 01.08.2024

"Bank Respublika Arena"da keçiriləcək matçla bağlı danışan Aslan Kərimov bildirib ki, "Makkabi" zəif rəqib deyil:

 

"Gərək ilk oyundakı 0:3-lıq qalibiyyət bizi aldatmasın. "Sabah" Bakıda da diqqətli oyun nümayiş etdirmək məcburiyyətindədir, çünki "Makkabi" lazım olan anda topa nəzarəti, oyunun tempini öz əllərində saxlamağı bacaran komandadır. Belə komandalar mübarizəni rahatlıqla əldən vermirlər.

"Sabah"ın qol vurmaq üçün yaxşı şansı olacaq. C.Mikels sürəti olan bir oyunçudur və istər istəməz qol imkanları yarana bilər. Rəqibin müdafiəsində boşluqlar mütləq olacaq. Baxmıyaraq ki, Hayfa öndə oynamaq istəyəcək, amma "Sabah" 0:3lıq üstünlüyü əldən verəsi deyil. Məncə turu keçən tərəf "Sabah" olacaq".

 

Müsahib matç üçün satılan 6500 bilet haqqında da danışıb:

 

"Azarkeşlərin oyuna gəlmək istəməsi 0:3lıq hesabdan irəli gəlir. Digər klublarımızın qələbəsi də istər istəməz azarkeşlərə ümid verir. Uzun müddətdir "futbol bayramı" olmurdu, bunun özü də azarkeşlərin futbol üçün darıxmaqlarının göstərcisi ola bilər".

 

Qeyd edək ki, görüşün baş hakimi slovakiyalı Peter Kraloviç olacaq.

 

Zəhra Həsənova