İran yaxın günlərdə İsraili vurmağa hazırlaşır

Bölmə: Dünya › ,
Tarix: 18:46 06.08.2024

“The Wall Street Journal” amerikalı rəsmilərə istinadən yazır ki, İran Fələstinin HƏMAS hərəkatının siyasi bürosunun rəhbəri İsmayıl Haniyənin öldürülməsinə cavab olaraq yaxın günlərdə İsrailə zərbələr endirməyə fəal şəkildə hazırlaşır.

Qəzetin yazdığına görə, İran raket buraxılış qurğularını hərəkətə gətirir və ötən həftə sonundan etibarən hərbi təlimlər keçirir ki, bu da Tehranın yaxın günlərdə hücuma hazırlaşdığını göstərə bilər.

Fələstin HƏMAS hərəkatının siyasi bürosunun rəhbəri İsmayıl Haniyənin Tehranda öldürülməsindən və Hizbullahın hərbi komandiri Fuad Şokrun Beyrutda ləğv edilməsindən sonra Yaxın Şərqdə gərginlik son günlər artıb. İran, HƏMAS və Hizbullah hadisələrdə İsraili günahlandırıb və onları cavabsız qoymayacaqlarını bildiriblər.


Tərcümə etdi: Gülnisə Əfkari